Srikanth Iyengar: టాలీవుడ్‌లో మరో నరేష్-పవిత్రా.. వైరల్
ABN , Publish Date - Nov 21 , 2024 | 09:33 AM
టాలీవుడ్‌లో సంచలనం సృష్టించిన నరేష్, పవిత్రా లోకేష్ పెళ్లి వ్యవహారం మాదిరిగానే మరో సీనియర్ నటుడి విషయంలో జరగనున్నట్లు తెలుస్తోంది. ఒక సీనియర్ నటిని ముద్దుపెడుతూ ఆయన షేర్ చేసిన ఫోటో ప్రస్తుతం వైరల్‌గా మారింది. ఇంతకీ ఆ నటీనటులు ఎవరంటే..
గతేడాది సీనియర్ నటీనటులైన నరేష్-పవిత్రా లోకేష్ వ్యవహారం సంచలనం సృష్టించిందో ప్రత్యేకంగా చెప్పాల్సిన అవసరం లేదు. మిడిల్ ఏజ్‌లో ఈ జంట పెళ్లి చేసుకొని వార్తల్లో నిలిచారు. నరేష్‌కి అది నాలుగో పెళ్లి కాగా పవిత్రకి రెండో పెళ్లి. ఈ ఏజ్ లో పెళ్లి చేసుకొని యూత్ ల పబ్లిక్ గా ముద్దులు పెట్టుకోవడం, హగ్ చేసుకోవడంవంటి ఫోటోలు షేర్ చేసి వీపరీతమైన పాపులారిటీ సంపాదించారు. అయితే అదే స్టైల్ లో మరో టాలీవుడ్ సీనియర్ యాక్టర్ బిహేవ్ చేస్తూ వార్తల్లో నిలిచారు. ఇంతకీ ఆయన ఎవరంటే..
వివాదాస్పద వ్యాఖ్యలతో ఎప్పుడు వార్తల్లో నిలిచే ఆర్జీవీ ఫ్రెండ్, సీనియర్ యాక్టర్ శ్రీకాంత్ అయ్యంగార్ ప్రస్తుతం సోషల్ మీడియాలో మరోసారి వైరల్ అవుతున్నారు. ఈ సారి ఎలాంటి వివాదాస్పద వ్యాఖ్యలు చేయకపోయినా సీనియర్ నటి జ్యోతిని ముద్దు పెడుతూ ఆ ఫోటోని సోషల్ మీడియాలో షేర్ చేశారు. ఈ ఫోటోకి 'క్రష్ ఆఫ్ మై లైఫ్. మీ దేవుళ్లు మాకు పెళ్లి చేయాలనుకుంటున్నారా?' అంటూ క్యాప్షన్ పెట్టారు. శ్రీకాంత్ వయసు 54 ఏళ్ళు. ఈ వయసులో ఇలాంటి పనులు ఏంటని కొందరు విమర్శిస్తున్నారు.
అయితే శ్రీకాంత్ కి ఇదివరకే పెళ్లి అయ్యింది. విడాకులు కూడా తీసుకున్నారు. అయితే ఆయన నటి జ్యోతిని పెళ్లి చేసుకున్న ఎలాంటి అభ్యంతరం లేదంటూనే విడిపోకపోతే చాలు అంటూ నెటిజన్లు కామెంట్స్ పెడుతున్నారు. ఇప్పటికే సినీ ఇండస్ట్రీలో సెలబ్రిటీల విడాకులు వైరల్ గా మారుతున్నాయి. మరోవైపు ఆయన తీరు నచ్చని చాలా మంది సోషల్ మీడియాలో ట్రోల్ చేస్తున్నారు.