Venkatesh: వెంకీ మామతో క్రేజి డైరెక్టర్.. ఎవరో తెలుసా
ABN , Publish Date - Nov 20 , 2024 | 07:53 PM
ఓ క్రేజి డైరెక్టర్ వెంకీ మామ జత కట్టనున్నట్లు తెలుస్తోంది. ఇంతకీ ఆ క్రేజి డైరెక్టర్ ఎవరంటే..
ఈ ఏడాది సంక్రాతికి ‘సైంధవ్‌’ అంటూ వచ్చి తీవ్ర పరాభవం మూట గట్టుకున్న విక్టరీ వెంకటేశ్‌.. మళ్లీ ఏడాది తర్వాత సంక్రాంతికే రానున్నాడు. ‘సంక్రాంతికి వస్తున్నాం’ అంటూ సినిమా టీమ్‌ ఇప్పటికే చెప్పగా.. రిలీజ్‌ డేట్‌ జనవరి 14 అని ఇప్పుడు అనౌన్స్‌ చేశారు. ఈ క్రమంలో వెంకీ కొత్త సినిమా ఇదే అంటూ కొత్త సినిమాను కూడా ఓకే చేశారు అని తెలుస్తోంది. అన్నీ అనుకున్నట్లుగా జరిగితే త్వరలో అనౌన్స్‌మెంట్‌ ఉంటుంది అని చెబుతున్నారు.
‘డీజే టిల్లు’ అంటూ రెండేళ్ల క్రితం వచ్చిన యువ దర్శకుడు విమల్ కృష్ణ.. ఇప్పుడు తెరకెక్కుతున్న ‘డీజే టిల్లు 2’కి మాత్రం దర్శకత్వం వహించడం లేదు. కొత్త కథతో, కొత్త హీరోతో సినిమా చేయాలని అనుకుంటున్నారు. ఈ క్రమంలో చాలామంది హీరోలకు కథలు చెప్పగా అవేవీ ఫైనలైజ్‌ కాలేదు. అయితే ఆయన నెరేషన్‌ ప్రవాహం వెంకటేశ్‌ దగ్గ ఆగింది అని అంటున్నారు.
ఇటీవల వెంకటేశ్‌కు విమల్ కృష్ణ ఓ కథ చెప్పగా.. ఆయనకు బాగా నచ్చింది అని సమాచారం. కొన్ని మెరుగులు దిద్దాక.. అన్నీ ఓకే అయితే సినిమాను ప్రకటించేస్తారట. ‘డీజే టిల్లు’ సినిమా తరహాలోనే ఇది కూడా ఓ ఫుల్‌ లెంగ్త్‌ ఎంట‌ర్‌టైన‌ర్ అని తెలుస్తోంది. వరుస షెడ్యూల్స్‌తో గత కొన్ని రోజులుగా బిజీగా ఉన్న వెంకీ.. 2025 ప్రథమార్ధంలోనే ఈ సినిమా కూడా మొద‌లుపెడ‌తారట.
ఇక ‘సంక్రాంతికి వస్తున్నాం’ తరహాలోనే వేగంగా సినిమా పూర్తి చేసి 2025 చివ‌ర్లో సినిమా విడుద‌ల చేసే అవ‌కాశం ఉంది అంటున్నారు. చిట్టూరి శ్రీ‌నివాస్ ఈ సినిమాను నిర్మించే ఛాన్స్‌ ఉంది అంటున్నారు. సురేశ్‌ ప్రొడక్షన్స్‌ కూడా ఈ సినిమాలో భాగస్వామి అవ్వొచ్చని టాక్‌.
ఇక వెంకటేశ్‌ ‘రానా నాయుడు 2’ వెబ్‌ సిరీస్‌ పనులు కూడా చూస్తున్నారు. తొలి సీజన్‌ భారీ విజయం దక్కించుకోవడంతో దీని మీద అంచనాలు భారీగానే ఉన్నాయి. ఇవి కాకుండా వెంకీ దగ్గర మరో రెండు కథలు పెండింగ్‌లో ఉన్నాయి అని అంటున్నారు.