Shruti Haasan: పాపం శృతిహాసన్.. ఇలా అవుతుందేంటి..

ప్రేమలో ఫెయిలై.. కొన్నాళ్ల పాటు నటనకు దూరంగా ఉన్న హీరోయిన్ శృతిహాసన్ (Shruti Haasan).. ఈ మధ్యనే రీ ఎంట్రీ ఇచ్చింది. ఆమె రీ ఎంట్రీలో వరుస సక్సెస్‌లను అందుకోవడంతో.. ఇక లైన్‌లో పడినట్లే అని అంతా అనుకున్నారు. ఏమైందో ఏమిటో గానీ.. ఆమె పరిస్థితి మళ్లీ మొదటికి వచ్చింది. అవును.. ప్రస్తుతం ఆమె అంగీకరించిన రెండు సినిమాల నుండి వైదొలగినట్లుగా వార్తలు వైరల్ అవుతున్నాయి. ఆ రెండు చిత్రాలు పోతే.. ప్రస్తుతం ఆమె చేతిలో రెండంటే రెండే చిత్రాలు ఉన్నాయి.

Also Read-Renu Desai: ఉపాసనకు థ్యాంక్స్ చెప్పిన రేణూ దేశాయ్.. ఎందుకో తెలుసా?

వివిధ కారణాలతో హీరోయిన్‌ శృతిహాసన్‌ రెండు చిత్రాలను వదులుకున్నట్లుగా తెలుస్తోంది. వీటిలో ఒకటి తెలుగు చిత్రం ఉండగా, మరొకటి ఆంగ్ల చిత్రం. ప్రస్తుతం సూపర్‌స్టార్‌ రజనీకాంత్‌ - లోకేష్‌ కనకరాజ్‌ కాంబినేషన్‌లో రూపొందుతున్న ‘కూలీ’ చిత్రంలో రజనీ కుమార్తె పాత్రను శృతిహాసన్ పోషిస్తున్నారు. ఇదిలావుండగా, ఆమె ఒప్పందం చేసుకున్న రెండు చిత్రాల నుంచి తప్పుకున్నారు. వీటిలో ఒకటి టాలీవుడ్‌ హీరో అడవి శేష్‌ హీరోగా తెరకెక్కే ‘డెకాయిట్‌ : ఏ లవ్‌ స్టోరీ’. ఇందులో శృతిహాసన్ హీరోయిన్‌. పాన్‌ ఇండియా స్థాయిలో తమిళం, తెలుగు, హిందీ, కన్నడ, మలయాళ భాషల్లో తెరకెక్కిస్తున్నారు. ఇందులో తన పాత్రకు సంబంధించిన తలెత్తిన చిన్నపాటి వివాదం కారణంగా తప్పుకున్నట్లుగా తెలుస్తోంది.

Also Read-Nandamuri Balakrishna: తెలంగాణలో ‘బాలకృష్ణ ఫిలిం స్టూడియో’..

అలాగే, హాలీవుడ్‌ డైరెక్టర్‌ ఫిలిప్‌ జాన్‌ తెరకెక్కించే ‘చెన్నై స్టోరీస్‌’ అనే ఇంగ్లీస్‌ మూవీ నుంచి ఆమె వైదొలిగారు. నిజానికి ఈ ప్రాజెక్టులో హీరోయిన్‌గా సమంతను ఎంపిక చేశారు. కానీ వివిధ కారణాలతో ఆమె తప్పుకున్నారు. ఆ తర్వాత శృతిహాసన్‌ను ఎంపిక చేయగా, ఆమె కూడా ఈ ప్రాజెక్టును వదిలేశారని తెలుస్తోంది. ఇక ఆమె చేతిలో ‘కూలీ’ చిత్రంతో పాటు ‘సలార్ 2’ మాత్రమే ఉన్నాయి. ఇలా ఒకేసారి ఆమె చేతి నుండి రెండు సినిమాలు పోవడంతో.. మళ్లీ శృతిహాసన్‌కు ఇలా అవుతుందేంటి? అంటూ ఆమె అభిమానులు నిరాశను వ్యక్తం చేస్తున్నారు.

Also Read-NBK: అన్‌స్టాపబుల్ స్టేజ్‌పై బాలయ్య.. కానీ ఈ లుక్ ఏ సినిమాలోదో కనిపెట్టారా?

Also Read-Star Heroine: ఈ ఫొటోలోని పాప ఇప్పుడొక స్టార్ హీరోయిన్.. ఎవరో కనిపెట్టండి చూద్దాం!

-మరిన్ని సినిమా వార్తల కోసం ఇక్కడ క్లిక్ చేయండి