Bigg Boss Telugu 8: య‌శ్మీనా మ‌జాకా.. ఓ ఆట ఆడుకుందిగా

బిగ్‌బాస్ 8 (Bigg Boss Telugu 8) తెలుగు కంటెస్టెంట్ల మ‌ధ్య నిదానంగా గొడ‌వ‌లు తారాస్థాయికి చేరుతున్నాయి. ఇప్ప‌టికే షో ప్రారంభ‌మై60 రోజులు కావొస్తుండ‌డం, ఇంకా 40 రోజులే మిగిలి ఉండ‌డంతో పోటీదారులు ఎవ‌రికి వారే సొంత ప్ర‌ణాళిక‌లు ర‌చించుకుంటూ ముందుకు సాగ‌తున్నారు. తాజాగా మంగ‌ళ‌వారం (అక్టోబర్ 29) నాడు జ‌రిగిన ఎపిసోడ్‌లో బిగ్ బాస్ కంటెస్టెంట్ల‌కు ఇచ్చిన‌ బీబీ ఇంటికి దారేది అనే టాస్క్‌పెద్ద ర‌చ్చే చేసింది. ఈ టాస్క్‌లో కంటెస్టెంట్స్‌ను నాలుగు టీములుగా ఏర్పాటు చేసి వారి మధ్య లూడో తరహాలో గేమ్‌ను ఆరంభించి గెలిచినవాళ్లు డైస్ వేస్తూ ముందుకు సాగాలని తెలిపాడు.

ఆపై పానిపట్టు యుద్ధం అంటూ బిగ్‌బాస్ 8 (Bigg Boss Telugu 8) మ‌రో టాస్క్ ఇవ్వ‌గా బ్లూ టీమ్ మెంబర్ నిఖిల్ రెడ్ టీమ్ మెంబ‌ర్స్‌ గౌతమ్, యష్మీ, ప్రేరణల‌పై ఓ రేంజ్‌లో రెచ్చిపోయాడు. అవ‌త‌లి వారితో ఆదో టైపులో ప్ర‌వ‌ర్తిస్తూ ఫిజిక‌ల్‌గా అటాకింగ్ గేమ్ ఆడగా యష్మీ మాత్రం బాగా డిఫెండ్ చేసి నీళ్లు వృథా కాకుండా మంచి పోటీ ఇచ్చింది. ప్రేర‌న కూడా ప‌ర్వాలేద‌నిపించింది. ముఖ్యంగా య‌శ్మీ గేమ్‌పై ప్రేక్ష‌కుల నుంచి మంచి రెస్పాన్స్ వ‌స్తుండ‌డంతో పాటు త‌న‌ ఓటింగ్‌లో హై ఇంపాక్ట్ చూపించేలా ఉంది.

ఇదిలాఉండ‌గా తాజాగా జ‌రిగిన తొమ్మిదోవారం నామినేషన్స్‌లో గౌతమ్, నయని పావని, యష్మీ, హరితేజ, టేస్టీ తేజ ఐదుగురు నిలిచారు. ఇప్ప‌టికే వీరికి ఓటింగ్ పోల్ ఓపెన్ అవ‌డంతో నెట్టింట ల‌భిస్తున్న స‌మాచారం మేర‌కు యష్మీకి భారీ ఓటింగ్‌తో టాప్‌లో ఉన్న‌ట్లు తెలుస్తోంది. ఆమె తర్వాత రెండో స్థానంలో గౌతమ్, మూడో స్థానంలో టేస్టీ తేజ ఉండ‌గా నయని పావని, హరితేజ డేంజర్ జోన్‌లో ఉండ‌గా వీరిలో ఒక‌రు ఈ వారం బిగ్‌బాస్ 8 (Bigg Boss Telugu 8) నుంచి నామినేట్ అయ్యే అవ‌కాశాలు అధికంగా ఉన్నాయి.