Anand Deverakonda: రష్మిక మా ఫ్యామిలీ ఫ్రెండ్.. ప్రీ రిలీజ్ ఈవెంట్‌లో కావాలనే అలా చేశాం

ఆనంద్ దేవరకొండ (Anand Deverakonda) హీరోగా నటించిన లేటెస్ట్ మూవీ ‘గం..గం..గణేశా’ (Gam Gam Ganesha). ఆనంద్ సరసన ప్రగతి శ్రీవాస్తవ (Pragathi Srivastava), నయన్ సారిక (Nayan Sarika) హీరోయిన్లుగా నటించారు. హై-లైఫ్ ఎంటర్‌టైన్‌మెంట్ పతాకంపై కేదార్ సెలగంశెట్టి, వంశీ కారుమంచి నిర్మించారు. ఈ చిత్రంతో ఉదయ్ శెట్టి (Uday Shetty) దర్శకుడిగా పరిచయం అవుతుండగా.. మే 31న సినిమా గ్రాండ్‌గా థియేటర్లలోకి రానుంది. చిత్ర ప్రమోషన్స్‌లో భాగంగా హీరో ఆనంద్ దేవరకొండ మీడియాకు చిత్ర విశేషాలను తెలియజేశారు.

ఆయన మాట్లాడుతూ.. ‘‘మిడిల్ క్లాస్ మెలొడీస్ (Middle Class Melodies) తర్వాత లాక్‌డౌన్ పడింది. ఆ లాక్‌డౌన్ ఎన్ని రోజులు ఉంటుందో తెలియదు. అసలు అది పూర్తిగా వెళ్లిపోతుందో లేదో కూడా అర్థం కాలేదు. అలాంటి టైమ్‌లో నా నెక్ట్ మూవీ ఎలా ప్లాన్ చేసుకోవాలి అనే ఆలోచన మొదలైంది. ‘బేబి’ కథతో పాటు ‘గం..గం..గణేశా’ (Gam Gam Ganesha Movie) స్క్రిప్ట్ కూడా నా దగ్గరకు వచ్చింది. దర్శకుడు ఉదయ్ శెట్టి పంపిన స్క్రిప్ట్, సినాప్సిస్‌లో అత్యాశ, భయం, కుట్ర అనే మూడు పదాలు నన్ను అట్రాక్ట్ చేశాయి. ఈ లైన్ ఎగ్జైట్ చేసింది. యూనిక్‌గా అనిపించింది. ఎందుకంటే నాకు ‘స్వామి రారా’ (Swamy Ra Ra) వంటి క్రైమ్ కామెడీస్ చూడటం ఇష్టం. ఆ సినిమా చూసినప్పుడు మన తెలుగులో ఇలాంటివి ఇంకా మరికొన్ని సినిమాలు చేయొచ్చు కదా అనిపించేది. (Hero Anand Deverakonda)

*Kiraak RP: అమ్మాయిలతో నగ్న పూజలు చేయిస్తున్నాడంటూ వేణు స్వామిపై కిరాక్ ఆర్పీ ఫైర్..

‘గం..గం..గణేశా’ సినిమా ఓకే చేసిన తర్వాత షూటింగ్ డిలే అయ్యింది. నేను ‘బేబి’ మూవీ కోసం ఆ క్యారెక్టర్ మేకోవర్‌లో ఉండిపోయాను. అందులో నుంచి బయటకు వచ్చేందుకు కొన్ని నెలల టైమ్ పట్టింది. కోవిడ్ సెకండ్ వేవ్, ఫిల్మ్ యూనియన్ స్ట్రైక్స్ జరగడం.. ఇలాంటి వాటి వల్ల డిలేస్ అవుతూ వచ్చాయి. సెకండాఫ్‌లో వినాయకుడి మండపం నేపథ్యంలో సీన్స్ ఉంటాయి. వాటికోసం ఒక సెట్ వేశాం. భారీ వర్షాలకు ఆ సెట్ పడిపోయింది. మళ్లీ ఆ సెట్‌ను పునర్నిర్మించి షూటింగ్ చేశాం. దానికి కొంత టైమ్ పట్టింది.

ప్రతి ఇంటర్వ్యూలో హీరో సెంట్రిక్ మూవీస్ ఎందుకు చేయరు అని అడుగుతుంటారు. ఎందుకు చేయకూడదు అని నాకూ అనిపించింది. ‘గం..గం..గణేశా’ కథతో ఆ ప్రయత్నం చేయవచ్చనే నమ్మకం కలిగింది. నేను గతంలో కనిపించినట్లు ఇందులో పక్కింటి కుర్రాడిలా కనిపించను. ఎనర్జిటిక్‌గా ఉంటా, కామెడీ చేస్తా, ఏడవాలనిపిస్తే ఏడుస్తా.. హైపర్‌గా ఉంటాను. ఇందులో హీరో తనను తాను హీరో అనుకుంటాడు గానీ హీరోలా ప్రవర్తించడు. (Anand Deverakonda Interview About Gam Gam Ganesha)

నేను పెట్టుకున్న నమ్మకానికి తగినట్లుగా మా డైరెక్టర్ ఉదయ్ కథను అందరికీ నచ్చేలా స్క్రీన్‌ప్లేతో తెరకెక్కించాడు. కథలో ఒక పదిహేను కీలకమైన పాత్రలు ఉంటాయి. ఇంతమందితో పెర్ఫార్మ్ చేయించుకోవడంలో ఒక డెబ్యూ డైరెక్టర్‌గా ఉదయ్ సక్సెస్ అయ్యాడు. అతనికి మరో రెండు మూడు సినిమా ఆఫర్స్ కూడా వస్తున్నాయి. నేను ఈ సినిమా పట్ల హ్యాపీగా, కాన్ఫిడెంట్‌గా ఉన్నాను.

ఇటీవల ఫ్యామిలీ, యూత్ ఆడియెన్స్ కోసం ‘గం..గం..గణేశా’ స్పెషల్ షోస్ వేశాం. వాళ్లు సినిమా చూస్తున్నంత సేపు ఎంటర్‌టైన్ అవుతూ ఎంజాయ్ చేశారు. వాళ్ల రెస్పాన్స్ చూసి మాకు మరింత కాన్ఫిడెన్స్ వచ్చింది. వందలసార్లు మేము షూటింగ్ ఫుటేజ్ చూస్తుంటాం అయినా కొత్తగానే అనిపించేది. సాధారణంగా ఈ యాక్షన్ కామెడీస్ థియేటర్‌లో చూస్తేనే ఎంజాయ్ చేయగలరు. ఓటీటీలో ఆ కిక్ రాదు.

‘గం..గం..గణేశా’ కథ విన్నాక ఇందులోని కామెడీ టైమింగ్ నేను పర్ఫె‌క్ట్‌గా చేయగలనా అని భయమేసింది. కొన్ని వర్క్ షాప్స్ చేశాం. ఎలాంటి టైమింగ్ ఉండాలో ఫిక్స్ చేసుకున్నాం. నేను గతంలో ‘మిడిల్ క్లాస్ మెలొడీస్, పుష్పక విమానం’లో కూడా కామెడీ చేశా. అది నాచురల్‌గా ఉంటుంది. కానీ ఈ సినిమాలో కొంచెం హైపర్‌గా పెర్ఫార్మ్ చేయాల్సివచ్చింది. (Anand Deverakonda Movie Gam Gam Ganesha)

వినాయకుడి విగ్రహం చుట్టూ జరిగే కథ ఇది. ఆ విగ్రహం దక్కించుకోవడం కోసం కొందరు ప్రయత్నాలు చేస్తుంటారు. వాళ్లంతా బ్యాడ్ ఇంటెన్షన్ ఉన్నవాళ్లు. ఆ విగ్రహంలో అంత విలువైనది ఏముంది. ఎవరికి విగ్రహం దక్కింది? అనేది కథాంశం. మనలోనూ భయం, అత్యాశ, కుట్ర అనే లక్షణాలు ఉంటాయి. అవి కొందరి జీవితాలను ఎలా ప్రభావితం చేశాయి అనేది ఈ సినిమాలో చూపిస్తున్నాం.

నేను పాటలు వింటూ డ్యాన్స్ ప్రాక్టీస్ చేస్తుంటా. ఇంట్లో ఖాళీగా ఉంటే అన్న విజయ్ డ్యాన్స్ ప్రాక్టీస్ చేయి అంటాడు. మా నాన్న కూడా నీలో గ్రేస్ ఉందిరా డ్యాన్స్ నేర్చుకో అనేవారు. ‘బేబి’లో ఓ ఆరు నిమిషాల పాట చేశాం. కానీ సినిమా నిడివికి ఎక్కువవుతుందని కట్ చేశాం. ఈ సినిమాలో డ్యాన్స్‌లు చేసే అవకాశం దక్కింది.

నా సినిమాల్లోనే కాదు అన్నయ్య విజయ్ చిత్రాల్లోనూ రిచ్ కంటెంట్ ఉంటుంది. క్యారెక్టర్ డ్రివైన్ మూవీస్ చేశాడు. అందుకే ‘అర్జున్ రెడ్డి’ సినిమాతో ఆయనకు దేశవ్యాప్తంగా గుర్తింపు దక్కింది. ‘గం..గం..గణేశా’ నా ఇమేజ్ మార్చుకోవడం కోసం చేసిన సినిమా కాదు. కథ కొత్తగా అనిపించి.. ఇలాంటి స్క్రిప్ట్, క్యారెక్టర్ ట్రై చేయొచ్చు కదా అనిపించి చేశా. ఇందులో ఇద్దరు హీరోయిన్లు ఉన్నారు.. ప్రగతి శ్రీవాస్తవ, నయన్ సారిక. ఇద్దరికీ నటనకు ఆస్కారమున్న పాత్రలే లభించాయి. వాళ్లు బాగా నటించారు. ఇద్దరు హీరోయిన్స్ ఉన్నా.. ఇది ట్రయాంగిల్ లవ్ స్టోరి కాదు.

హీరోగా నా మూవీస్ స్పాన్ ఒక్కసారిగా పెరిగేది కాదు. బేబితో వంద కోట్ల గ్రాసర్ అందుకున్నానని నా నెక్ట్ మూవీ అంతకంటే ఎక్కువ వసూలు చేయాలని అనుకోను. లవ్ సబ్జెక్ట్స్ యూనివర్సల్ కాబట్టి అంత రీచ్ వచ్చింది. మేము ‘గం..గం..గణేశా’కు ఆరేడు కోట్లు ఖర్చు పెట్టాం. ప్రమోషన్స్ అన్నీ కలుపుకుని పెట్టిన డబ్బులు తిరిగి వచ్చి బ్రేక్ ఈవెన్ అయ్యి, అంతా మంచి రివ్యూస్ ఇస్తే అదే మాకు ఎంతో స్ట్రెంత్, సపోర్ట్ ఇచ్చినట్లు అవుతుంది. ఈ సమ్మర్‌లో ఫ్యామిలీతో కలిసి చూసే సినిమాలు రాలేదు. ‘గం..గం..గణేశా’ ఆ కొరత తీర్చుతుంది.

రష్మిక (Rashmika Mandanna) మా ఫ్యామిలీ ఫ్రెండ్. ప్రీ రిలీజ్ ఈవెంట్‌లో ఛిట్ ఛాట్ వైరల్ కావాలనే చేశాం. ‘గం..గం..గణేశా’కు చేతన్ భరద్వాజ్ మంచి మ్యూజిక్ ఇచ్చారు. బీజీఎం కూడా ఆకట్టుకుంటుంది. హైలైఫ్ ఎంటర్‌టైన్‌మెంట్స్ నా హోమ్ బ్యానర్ లాంటిది. కేదార్, వంశీ నా ఫ్రెండ్స్. ఈ సినిమా కోసం వాళ్లు ఎంతో సపోర్ట్ చేశారు. షూటింగ్ డిలేస్, సెట్ పాడయినప్పుడు మళ్లీ ఖర్చు పెట్టి సినిమా కంప్లీట్ చేశారు.

నాకు రా యాక్షన్ మూవీస్ చేయడం ఇష్టం. ధనుష్ (Dhanush) ‘కర్ణన్, అసురన్’ మూవీస్‌లా సినిమాలు చేయాలనే కోరిక ఉండేది. ఇప్పుడు వినోద్ అనంతోజు సితార ఎంటర్‌టైన్‌మెంట్స్ కాంబోలో చేస్తున్న మూవీ అలాంటి ఫార్మేట్‌లోనే ఉంటుంది. డైరెక్టర్ సాయి రాజేశ్, ఎస్‌కేఎన్, వైష్ణవి, నేను కలిసి ‘బేబి’ (Baby Movie) కాంబోలో ఓ మూవీ చేస్తున్నాం. వీటితో పాటు స్టూడియో గ్రీన్ వారి ‘డ్యూయెట్’ (Duet) సినిమాలో నటిస్తున్నా. ఈ సినిమా 50 పర్సెంట్ షూటింగ్ కంప్లీట్ అయ్యింది..’’ అని చెప్పుకొచ్చారు.

Read Latest Cinema News